ຄະນະໂຄສະນາອົບຮົມແຂວງ ເປີດກອງປະຊຸມສ້າງແຜນກໍານົດພະນັກງານນໍາພາ-ຄຸ້ມຄອງ

ລາຍລະອຽດ

ສ້າງຂື້ນເມື່ອ ວັນພະຫັດ, 19 ພະຈິກ 2020 02:19

ຂຽນໂດຍ ບຸນພອນ ແສງສຸລິນ

            ໃນຕອນເຊົ້າຂອງວັນທີ 6 ພະຈິກ 2020 ຄະນະໂຄສະນາອົບຮົມແຂວງ ໄດ້ຈັດກອງປະຊຸມ ສ້າງແຜນກໍານົດພະນັກງານນໍາພາ-ຄຸ້ມຄອງ ປີ 2021-2025 ຂອງຄະນະໂຄສະນາອົບຮົມແຂວງ ຢ່າງເປັນທາງການ ທີ່ຫ້ອງປະຊຸມຄະນະໂຄສະນາອົບຮົມແຂວງ. ພາຍໃຕ້ການເປັນປະທານ ທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ. ເປັນກຽດເຂົ້າຮ່ວມໂດຍ ທ່ານ ນ. ລີຈັນ ສີສຸທໍາ ຮອງຫົວໜ້າຄະນະຈັດຕັ້ງແຂວງ, ເຊິ່ງມີຮອງຫົວໜ້າຄະນະໂຄສະນາອົບຮົມແຂວງ ແລະ ພະນັກງານຫຼັກແຫຼ່ງພາຍໃນ ເຂົ້າຮ່ວມທັງຫມົດ 19 ສະຫາຍ, ຍິງ 6 ສະຫາຍ.

ອ່ານເພີ່ມເຕີມ...

ໜ່ວຍຊາວໜຸ່ມຮາກຖານ ໂຄສະນາອົບຮົມແຂວງ ໄດ້ຢັ້ງຢືນເປັນໜ່ວຍ 4 ບຸກ ປະຈໍາປີ 2020

ລາຍລະອຽດ

ສ້າງຂື້ນເມື່ອ ວັນຈັນ, 09 ພະຈິກ 2020 01:41

ຂຽນໂດຍ ບຸນພອນ ແສງສຸລິນ

                 ໃນຕອນບາຍຂອງ ວັນທີ 4 ພະຈິກ 2020 ຜ່ານມາໜ່ວຍຊາວໜຸ່ມຮາກຖານ ຄະນະໂຄສະນາອົບຮົມແຂວງ ຈັດຕັ້ງພິທີສະຫຼຸບຂໍ້ແຂ່ງຂັນ 4 ບຸກປະຈໍາປີ 2020 ຢ່າງເປັນທາງການ ທີ່ຫ້ອງປະຊຸມຄະນະໂຄສະນາອົບຮົມແຂວງ. ພາຍໃຕ້ການເປັນປະທານຂອງ ສະຫາຍ ນາງ ສີປານຄໍາ ອິນໃຈ ເລຂາໜ່ວຍຊາວໜຸ່ມຮາກຖານ ຄະນະໂຄສະນາອົບຮົມແຂວງ, ເປັນກຽດເຂົ້າຮ່ວມໂດຍ ສະຫາຍ ພູວົງ ໄພມະນີ ຄະນະບໍລິຫານງານຊາວໜຸ່ມແຂວງ, ມີຄະນະພັກ, ບັນດາແຂກເຊີນ ທີ່ມາຈາກໜ່ວຍຊາວໜຸ່ມຮາກຖານອ້ອມຂ້າງ ແລະ ສະມາຊິກຊາວໜຸ່ມພາຍໃນ ຮາກຖານຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 19 ສະຫາຍ, ຍິງ 7 ສະຫາຍ.

ອ່ານເພີ່ມເຕີມ...

ສະເດັດເຈົ້າ ສຸພານຸວົງ

ລາຍລະອຽດ

ສ້າງຂື້ນເມື່ອ ວັນອັງຄານ, 30 ກໍລະກົດ 2019 07:00

ຂຽນໂດຍ ຄອນພະຈິດ ທັນຍາສິດ

ສະເດັດເຈົ້າ ສຸພານຸວົງ

ໃນພາລະກິດປະຕິວັດ ອັນຍິ່ງໃຫຍ່ຂອງຊາດລາວ

( ເນື່ອງໃນໂອກາດວັນເກີດ ຂອງສະເດັດເຈົ້າສະພານຸວົງ ຄົບຮອບ 110 ປີ )

( 13/7/1909 - 13/7/2019 )

          ປະທານ ສຸພານຸວົງ ແມ່ນໜຶ່ງໃນບັນດາຜູ້ນໍາທີ່ດີເດັ່ນ ຂອງພັກ ແລະ ລັດເຮົາຊຶ່ງນັບແຕ່ທ່ານ ປະທານ ໄດ້ກັບມາຈາກຫວຽດນາມ ໃນທ້າຍປີ 1945 ຕະຫຼອດໄລຍະ 30 ປີ ທີ່ທ່ານ ໄດ້ຕັດສິນໃຈເສຍສະຫຼະທຸກສິງທຸກຢ່າງສ່ວນຕົວ ຂອງທ່ານເພື່ອອຸທິດໃຫ້ແກ່ປະເທດຊາດ ຄື: ທ່ານໄດ້ເຂົ້າຮ່ວມການປະຕິວັດ ຂອງປວງຊົນລາວທັງໄດ້ກາຍເປັນຜູ້ນໍາທີ່ເກັ່ງກ້າສາມາດຄົນໜຶ່ງ ຂອງປະຊາຊົນລາວບັນດາເຜົ່າ, ຕະຫຼອດໄລຍະ 50 ປີ ( 1945 - 1995 ) ແຫ່ງການຕໍ່ສູ້ກູ້ຊາດຕ້ານພວກລ່າເມືອງຂຶ້ນແບບເກົ່າ ແລະ ແບບໃໝ່. ບັນດາພະນັກງານ, ສະມາຊິກພັກ - ນັກຮົບ ປະຊາຊົນລາວບັນດາເຜົ່າ ຕະຫຼອດເຖິງຊາວໂລກຜູ້ຮັກຫອມສັນຕິພາບ ລ້ວນແຕ່ໄດ້ຮັບຮູ້ທ່ານ ປະທານ ສຸພານຸວົງ ໃນນາມມະຍົດວ່າ: ສະເດັດ ເຈົ້າສະພານຸວົງ ລູກຜູ້ປະເສີດ ຂອງປວງຊົນລາວບັນດາເຜົ່າ. ວັນທີ 2 ທັນວ່າ 1975 ປະເທດລາວໄດ້ຮັບການປົດປ່ອຍຢ່າງສົມບູນ ກອງປະຊຸມໃຫຍ່ທົ່ວປະເທດໄດ້ເປີດຂຶ້ນ ແລະໄດ້ປະກາດສະຖາປະນາປະເທດເປັນ “ ປະເທດສາທາລະນະລັດ ປະຊາທິປະໄຕ ປະຊາຊົນລາວ ” ຂຶ້ນຢ່າງສົມບູນເຊິ່ງມັນແມ່ນໄລຍະແຫ່ງການສິ້ນສຸດຍຸກສະໄໝລາຊາທິປະໄຕ ປົກຄອງປະເທດຊາດມານານນັບຫຼາຍສະຕະວັດ ແລ້ວກ້າວເຂົ້າສູ້ຍຸກສະໄໝ “ ປະຊາທິປະໄຕ ທີ່ປະຊາຊົນເປັນເຈົ້າຂອງປະເທດຊາດ”. ໃນເວລາດຽວກັນນັ້ນເຈົ້າຊີວິດ ສີສະຫວ່າງ ວັດທະນາ ໄດ້ມີພາລາດສະດໍາລັດ ແຕ່ງຕັ້ງໃຫ້ພະລາຊາໂອລົດຄື: ເຈົ້າຟ້າຊາຍວົງ ສະຫວ່າງ ເປັນຜູ້ແທນພະອົງເຂົ້າຮ່ວມກອງປະຊຸມແລະໄດ້ອ່ານພະລາຊະດໍາລັດຕົກລົງມອບລາຊະບັນລັງຂອງເຈົ້າຊີວິດວ່າດ້ວຍການມອບສິດອໍານາດການປົກຄອງຄືນໃຫ້ປະຊາຊົນຢ່າງເປັນທາງການຕໍ່ກອງປະຊຸມ.

ອ່ານເພີ່ມເຕີມ...

ຄະນະໂຄສະນາອົບຮົມອຸດົມໄຊ ຈັດຕັ້ງພິທີປາຖະກະຖາມູນເຊື້ອ ວັນເກີດປະທານ ສຸພານຸວົງ ຄົບຮອບ 110 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 30 ກໍລະກົດ 2019 02:33

       ໃນຕອນເຊົ້າຂອງວັນທີ 10 ກໍລະກົດ 2019 ຄະນະໂຄສະນາອົບຮົມແຂວງໄດ້ຈັດຕັ້ງພິທີປາຖະກະຖາ ມູນເຊື້ອວັນເກີດ ປະທານ ສຸພານຸວົງ ຄົບຮອບ 110 ປີ (13/7/1909-13/7/2019) ຢ່າງເປັນທາງການ ທີ່ສະໂມສອນແຂວງອຸດົມໄຊ. ພາຍໃຕ້ການເປັນປະທານ ຂອງ ທ່ານ ນາງ ຈັນສະໝອນ ທິບພະຫົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ.ໃຫ້ກຽດເຂົ້າຮ່ວມໂດຍ ທ່ານ ປະລິນຍາເອກ ຄໍາພັນ ເຜີຍຍະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງແຂວງອຸດົມໄຊ ມີກໍາມະການປະຈໍາພັກແຂວງ, ກໍາມະການພັກແຂວງ, ຄະນະພັກ-ຄະນະບັນຊາ ສອງກອງບັນຊາການ, ພະນັກງານຫຼັກແຫຼ່ງຈາກພະແນກການແລະ ພະນັກງານ-ລັດຖະກອນ ອ້ອມຂ້າງແຂວງເຂົ້າຮ່ວມທັງໝົດ 258 ສະຫາຍ.

ອ່ານເພີ່ມເຕີມ...

ກອງໂຄສະນາເຄື່ອນທີ່ ຄະນະໂຄສະນາອົບຮົມແຂວງລົງເຄື່ອນໄຫວສາຍມູນເຊື້ອວັນຜ່າວົງປິດລ້ອມກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 60 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 30 ກໍລະກົດ 2019 02:28

        ໃນຕອນແລງຂອງວັນທີ 21 ມິຖຸນາ 2019 ຜ່ານມາກອງໂຄສະນາເຄື່ອນທີ່ ຄະນະໂຄສະນາອົບຮົມແຂວງ ໄດ້ສົມທົບກັບ ຄະນະໂຄສະນາອົບຮົມເມືອງໄຊ ລົງເຄື່ອນໄຫວ ສາຍມູນເຊື້ອວັນຜ່າວົງປິດລ້ອມກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 60 ປີ ຢູ່ບ້ານ ຫ້ວຍຍໍາ ເມືອງໄຊ ແຂວງອຸດົມໄຊ ຢ່າງເປັນທາງການ. ພາຍໃຕ້ການເປັນປະທານ ຂອງ ສະຫາຍ ຄໍາຈັນ ວ່າບົວແສງ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ. ເຊິ່ງມີເລຂາພັກບ້ານ, ນາຍບ້ານ, ແນວໂຮມບ້ານ ແລະ ປະຊາຊົນບັນດາເຜົ່າເຂົ້້າຮ່ວມຮັບຟັງ-ຮັບຊົມທັງຫມົດ 163 ຄົນ, ຍິງ 92ຄົນ.

ອ່ານເພີ່ມເຕີມ...