ຄະນະໂຄສະນາອົບຮົມແຂວງ ອຸດົມໄຊ ເຊື່ອມຊຶມມະຕິ 6 ສະໄໝທີ x ຂອງພັກ ແລະ ຜ່ານບົດສະຫຼຸບ 6 ເດືອນຕົ້ນປີ.

ລາຍລະອຽດ

ສ້າງຂື້ນເມື່ອ ວັນພຸດ, 24 ກໍລະກົດ 2019 04:13

           ວັນທີ 14 ກັນຍາ 2018 ຜ່ານມາ, ຄະນະໂຄສະນາອົບຮົມອົບຮົມແຂວງ ອຸດົມ​ໄຊ ໄດຈັດຕັ້ງເຊື່ອມຊຶມມະຕິກອງປະຊຸມ ຄົບຄະນະບໍລິຫານງານສູນກາງພັກ ຄັ້ງທີ 6 ສະໄໝທີ x ຂອງພັກ ແລະ ຜ່ານບົດສະ ຫຼຸບວຽກງານໂຄສະນາອົບຮົມ ປະຈໍາ 6 ​ເດືອນຕົ້ນປີ ຂຶ້ນຢ່າງເປັນທາງການ ທີ່ຫ້ອງປະຊຸມຄະນະໂຄສະນາອົບ ຮົມແຂວງ. ​ໃຫ້ກຽດ​ເຂົ້າຮ່ວມ ​ແລະ ​ເຜີຍ​ແຜ່​ໂດຍ ທ່ານ ນ. ຈັນສະໝອນ ທິບພະຫົງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີຄະນະພັກ, ຫົວໜ້າຂະແໜງ -ຮອງຂະແໜງ ແລະ ພະນັກງານວິຊາ​ການພາຍ​ໃນ​ຄະນະ​ໂຄສະນາ​ອົບຮົມ​ແຂວງ ເຂົ້າຮ່ວມທັງໝົດ 20 ສະຫາຍ. ຍິງ 8 ສະຫາຍ

         ​ໃນ​ພິທີ ທ່ານ ນ. ຈັນສະໝອນ ທິບພະຫົງ ​ໄດ້​ຍົກ​ໃຫ້​ເຫັນ​ເນື້ອ​ໃນ​ຈິດ​ໃຈມະຕິກອງປະຊຸມຄົບຄະນະບໍລິຫານງານສູນ ກາງພັກຄັ້ງທີ 6 ສະໄໝທີ x ຂອງພັກ ຄັ້ງນີ້ ພ້ອມ​ທັງຕີລາຄາຄືນການຈັດຕັ້ງປະຕິບັດຕາມມະຕິກອງປະຊຸມ ຄົບຄະນະ ບໍລິຫານງານສູນກາງພັກ ຄັ້ງທີ 5 ສະໄໝທີ x, ຜົນການຈັດຕັ້ງປະຕິບັດມະຕິ x ຂອງພັກໃນໄລຍະ 2 ປີກ່ວາຜ່ານມາ ແລະ ມະຕິຂອງຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ວ່າດ້ວຍ ການຍົກສູງປະສິດທິພາບການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ. ນອກນັ້ນຍັງໄດ້ວາງທິດທາງ ແລະ ໜ້າທີ່ຈຸດສຸມໃນການສືບຕໍ່ຈັດຕັ້ງປະຕິບັດມະຕິ x ໃນຊຸມ ປີຕໍ່ໜ້າ. ໂດຍສະເພາແມ່ນບາງໜ້າທີ່ຈຸດສຸມແຕ່ນີ້ເຖິງກອງປະຊຸມສູນກາງຄັ້ງທີ 7 ສະໄໝທີ x ແລະ ຜັນຂະຫຍາຍ ຈັດຕັ້ງປະ ຕິບັດມະຕິກອງປະຊຸມຄົບຄະນະບໍລິຫານງານສູນກາງຄັ້ງທີ 6 ສະໄໝທີ x ໃຫ້ບັນລຸຜົນ. ນອກຈາກນັ້ນກອງປະຊຸມຍັງໄດ້ສະ ຫຼຸບຕີລາຄາຄືນແຜນການເຄື່ອນໄຫວວຽກງານໂຄສະນາປະຈໍາ 6 ​ເດືອນຕົ້ນປີຜ່ານມາ ເຊິ່ງສາມາດຍາດໄດ້ຜົນງານໃນຫຼາຍ ດ້ານເຊັ່ນ: ເປັນເຈົ້າການສຶກສາອົບຮົມການເມືອງ-ແນວຄິດ, ຜັນຂະຫຍາຍບັນດາມະຕິ, ຄໍາສັ່ງ, ມູນເຊື້ອ ຂອງຊາດ-ຂອງພັກ, ເຫດການທີ່ພົ້ນເດັ່ນທັງພາຍໃນ ແລະ ຕ່າງປະເທດລົງສູ່ຮາກຖານປະຊາຊົນບັນດາເຜົ່າ. ພ້ອມທັງສຶກສາອົບຮົມ ບັນດາເປົ້າ ໝາຍ, ອົບຮົມຄວາມຮູ້ພື້ນຖານການເມືອງ ໃຫ້ສະມາຊິກພັກ, ເລຂາພັກບ້ານ, ສັງລວມເກັບກໍາສະພາບແນວຄິດ-ຫາງສຽງ ສັງຄົມ ເພື່ອສະຫຼຸບລາຍງານໃຫ້ຂັ້ນເທິງຢ່າງທັນການ ແລະ ໄດ້ວາງທິດທາງຄາດໝາຍສູ້ຊົນໃນ 6 ເດືອນທ້າຍປີ 2018.

         ​ໂອກາ​ດັ່ງກ່າວ ທ່ານ ຍັງໄດ້ມີຄໍາເຫັນໂອ້ລົມ ​ແລະ  ເໜັ້ນໜັກບາງ​ບັນຫາ, ພ້ອມ​ທັງຮຽກຮ້ອງມາຍັງພະນັກພາຍ ໃນຄະນະໂຄສະນາອົບຮົມ​ແຂວງ ໃຫ້ເອົາໃຈໃສ່ ຝຶກຝົນຫຼໍ່ຫຼອມທາງດ້ານຄຸນທາດການເມືອງຄຸນສົມບັດສິນທໍາປະຕິວັດໃຫ້ ກາຍເປັນພະນັກງານດີເດັ່ນ ແລະ ມີ​ຄວາມຮັບຜິດຊອບ​ສູງຕໍ່ໜ້າທີ່ ທີ່ໄດ້ຮັບມອບໝາຍ ຈາກຄະນະພັກ, ກໍຄືຂັ້ນເທິງຢ່າງ ເປັນເຈົ້າການ.

• < ຕໍ່ໄປ
• ຕໍ່ໄປ >