ຄະນະໂຄສະນາອົບຮົມແຂວງ ປາຖະກະຖາ ວັນສ້າງຕັ້ງອົງການກວດກາພັກ-ລັດ ຄົບຮອບ 39 ປີ ແລະວັນສ້າງຕັ້ງກໍາລັງປ້ອງຄວາມສະຫງົບປະຊາຊົນລາວ ຄົບຮອບ 60 ປີ

ສ້າງຂື້ນເມື່ອ ວັນຈັນ, 26 ເມສາ 2021 03:46
ຂຽນໂດຍ ບຸນພອນ

       

        ຄະນະໂຄສະນາອົບຮົມແຂວງ ໄດ້ຈັດພິທີປາຖະກະຖາ ມູນເຊື້ອອົງການກວດກາພັກ-ລັດຄົບຮອບ 39 ປີ (16 ກຸມພາ 1982-16 ກຸມພາ 2021) ແລະວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນລາວ ຄົບຮອບ 60 ປີ (5 ເມສາ 1961-5 ເມສາ 2021) ຢ່າງເປັນທາງການໃນວັນທີ 6 ເມສາ 2021 ທີ່ຫ້ອງປະຊຸມຄະນະໂຄສະນາອົບຮົມແຂວງ. ພາຍໃຕ້ການເປັນປະທານ ຂອງ ທ່ານ ມໍ ຊົງ ກໍາມະການປະຈໍາພັກແຂວງ, ເລຂາໜ່ວຍ, ຫົວໜ້າຄະນະໂຄສະນາອົບຮົມແຂວງ ມີຮອງຫົວໜ້າຄະນະໂຄສະນາອົບຮົມແຂວງ, ຫົວໜ້າຂະແໜງ, ຮອງຂະແໜງ  ແລະພະນັກງານພາຍໃນເຂົ້າຮ່ວມ ທັງໝົດ 17 ທ່ານ, ຍິງ 6 ທ່ານ.

          ໃນພິທີປາຖະກະຖາ 2 ວັນສໍາຄັນທາງປະຫວັດສາດນີ້: ໄດ້ຍົກໃຫ້ເຫັນເຖິງຄວາມໝາຍ, ຄວາມສໍາຄັນ ແລະມູນເຊື້ອການເຕີບໃຫຍ່ຂະຫຍາຍຕົວ, ການເຄື່ອນໄຫວວຽກງານກວດກາພັກ-ລັດ ຂອງ ສ ປປ ລາວ ນັບແຕ່ພັກປະຊາຊົນປະຕິວັດລາວສ້າງຕັ້ງຂຶ້ນ ໃນວັນທີ 22 ມີນາ 1955 ພັກໄດ້ກໍານົດທັດສະນະຈະແຈ້ງວ່າ “ມີການນໍາພາຕ້ອງມີການກວດກາ” ຈາກທັດສະນະດັ່ງກ່າວນັ້ນພັກໄດ້ເອົາໃຈໃສ່ຕໍ່ວຽກງານກວດກາ ແລະປະຕິບັດຕາມພາລະບົດ, ສິດ ແລະໜ້າທີ່ ເປັນເສນາທິການດ້ານການກວດກາພັກ-ລັດ, ຕ້ານການສໍ້ລາດບັງຫຼວງໃຫ້ຄະນະພັກ, ປະກອບສ່ວນໃນເຂົ້າໃນວຽກງານປ້ອງກັນພັກ-ພະນັກງງານ, ກໍຄືອົງການຈັດຕັ້ງພັກ-ລັດ ໃຫ້ມີຄວາມເຂັ້ມແຂງ; ເຮັດໜ້າທີ່ຕົ້ນຕໍ່ໃນການສະກັດກັ້ນ, ດໍາເນີນກວດກາຜູ້ລະເມີດລະບຽບຂອງພັກ, ກົດໝາຍຂອງລັດ, ເປັນເຈົ້າການຄຸ້ມຄອງບໍລິຫານລັດໃຫ້ມີຄວາມສັກສິດ ແລະໂປ່ງໃສ. ນອກນັ້ນຍັງຍົກໃຫ້ເຫັນປະຫວັດການກໍາເນີດ ແລະການເຕີບໃຫຍ່ຂະຫຍາຍຕົວຂອງກໍາລັງປ້ອງກັນຄວາມສະຫງົບປະຊາຊົນລາວ ເປັນຕົ້ນແມ່ນໄລຍະແຫ່ງການປົກປັກຮັກສາ ແລະສ້າງສາປະເທດຊາດ ເຊິ່ງວຽກງານປ້ອງກັນຊາດ-ປ້ອງກັນຄວາມສະຫງົບ ແມ່ນໜ້າທີ່ແຖວໜ້າ ແລະສໍາຄັນ; ກໍາລັງປ້ອງກັນຄວາມສະຫງົບແມ່ນເຮັດໜ້າທີ່ ຄຽງບ່າຄຽງໄຫຼ່ກັບກອງທັບ ແລະປະຊາຊົນລາວບັນດາເຜົ່າ ຕໍ່ສູ້ສະກັດກັ້ນ, ແກ້ໄຂຄວາມບໍ່ສະຫງົບ ເປັນເຈົ້າການປ້ອງກັນຜູ້ນໍາ ແລະອົງການນໍາຂອງພັກ-ລັດໃຫ້ມີຄວາມປອດໄພ. ໄລຍະດໍາເນີນແນວທາງປ່ຽນແປງໃຫມ່ພັກເຮົາໄດ້ປັບປຸງວຽກງານປ້ອງກັນຄວາມສະຫງົບຮອບດ້ານ. ຍົກສູງຄຸນນະພາບຂອງບັນດາກໍາລັງທະຫານ ແລະກໍາລັງປ້ອງກັນຄຸນ ສະຫງົບປະຊາຊົນສົມທົບແຫນ້ນລະຫວ່າງເສດຖະກິດ  ເດັດດ່ຽວທັບມ້າງທຸກການເຄື່ອນໄຫວມ້າງເພທໍາລາຍຂອງສັດຕູ ແລະ ປົກປັກຮັກສາເທດຊາດໄວ້ໃຫ້ຫມັ້ນຄົງ; ສະກັດກັ້ນ ແລະແກ້ໄຂປະກົດການຫຍໍ້ທໍ້ຂອງສັງຄົມ, ບັນດາອິດທິກໍາລັງປໍລະປັກຫັນປ່ຽນໂດຍສັນຕິ ຂອງສັດຕູ ເຮັດສັງຄົມມີສະຖຽນລະພາບທາງດ້ານການເມືອງທີ່ໜັກແໜ້ນ. ນອກນັ້ນ ຍັງໄດ້ເຜີບແຜ່ຜົນສໍາເລັດກອງປະຊຸມຄົບຄະນະກໍາມະການແນວລາວສ້າງຊາດ ຄັ້ງທີ 2 ສະໄໝທີ VII.