ໜ່ວຍຊາວໜຸ່ມຮາກຖານ ຂົງເຂດພັກ-ພະນັກງານ ປາຖະກະຖາ ວັນສ້າງຕັ້ງຊາວໜຸ່ມປະຊາຊົນປະຕິວັດລາວລາວ ຄົບຮອບ 66 ປີ

ສ້າງຂື້ນເມື່ອ ວັນຈັນ, 26 ເມສາ 2021 03:52
ຂຽນໂດຍ ບຸນພອນ

      ໜ່ວຍຊາວໜຸ່ມຮາກຖານ 3 ອົງການຈັດຕັ້ງພັກ-ພະນັກງານ ຈັດພິທີປາຖະກະຖາ ມູນເຊື້ອວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 66 ປີ (14 ເມສາ 1955-14 ເມສາ 2021) ຢ່າງເປັນທາງການ ໃນວັນທີ 6 ເມສາ 2021 ທີ່ຫ້ອງປະຊຸມຄະນະຈັດຕັ້ງແຂວງ. ໂດຍການເປັນປະທານ ຂອງ ທ່ານ ສະຫາຍ ພູວົງ ໄພມະນີ ຄະນະບໍລິຫານງານຊາວໜຸ່ມແຂວງ,  ມີເລຂາໜ່ວຍຊາວໜຸ່ມຮາກຖານ, ຮອງເລຂາ, ສະມາຊິກໜ່ວຍຊາວໜຸມຮາກຖານຄະນະໂຄສະນາອົບຮົມແຂວງ, ຄະນະຈັດຕັ້ງແຂວງ ແລະຄະນະກວດກາແຂວງ ເຂົ້າຮ່ວມທັງໝົດ 20 ສະຫາຍ, ຍິງ 7 ສະຫາຍ

.

           ພິທີປາຖະກະຖາ ມູນເຊື້ອວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 66 ປີ ໄດ້ລະນຶກເຖິງບວນການຕໍ່ສູ້ທີ່ອົງອາດກ້າຫານ, ນໍ້າໃຈເສຍສະຫຼະອັນສູງສົງ ແລະເສຍສະຫຼະເລືອດເນື້ອເພື່ອປະຊາຊົນ ແລະປະເທດຊາດ ຂອງຊາວໜຸ່ມແຕ່ລະຮຸ່ນ ໃນຂະບວນການປະຕິວັດ ພາຍໃຕ້ການນໍາພາຂອງພັກ. ຈຸດປະສົງຂອງການເຜີຍແຜ່ ເພື່ອໂຄສະນາສຶກສາອົບຮົມການມືອງ-ແນວຄິດ ໃຫ້ແກ່ສະມາຊິກຊາວໜຸ່ມ  ຮັບຮູ້ເຂົ້້າໃຈມູນເຊື້ອພາລະກໍາປະຫວັດສາດ, ພາລະບົດບາດ, ສິດໜ້າທີ່ ແລະ ມູນເຊື້ອຂອງອົງການຈັດຕັ້ງຊາວໜຸ່ມປະຊົນປະຕິວັດລາວ ໃຫ້ເຂົ້າສູ່ລວງເລິກ.  ເປັນຕົ້ນແມ່ນແນ່ໃສກໍ່ສ້າງໃຫ້ມີຄວາມໜັກ    ແໜ້ນທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ, ເປັນເຈົ້າຜັນຂະຫຍາຍແນວທາງທາງນະໂຍຂອງພັກ, ປະຕິບັດບັນດາມະຕິຄໍາສັ່ງ, ກົດໝາຍຂອງລັດ, ກົດລະບຽບຂອງພັກ ແລະ ຂອງອົງການຈັດຕັ້ງວາງອອກ. ເພີ່ມທະວີໃນເປັນເສນາທິການໃຫ້ແກ່ຄະນະພັກຂັ້ນເທິງ ແລະຈັດຕັ້ງປະຕິບັດໜ້າວຽກງານວິຊາສະເພາະໂດຍຕິດຂໍ້ແຂ່ງຂັນ 4 ບຸກຂອງຊາວໜຸ່ມ ປະຊາຊົນ ປະຕິວັດລາວ.

       ໂອກາດດັ່ງກ່າວ ສະຫາຍ ພູວົງ ໄພມະນີ ຄະນະບໍລິຫານງານຊາວໜຸ່ມ ໄດ້ມີຄໍາເຫັນຊີ້ນໍາຄື: ໃຫ້ບັນດາສະມາຊິກຈົ່ງພ້ອມກັນຕັ້ງໜ້າໃນຝຶກຝົນຫຼໍ່ຫຼອມຄຸນທາດການເມືອງ, ຄຸນສົມບັດສິນທໍາປະຕິວັດ, ຄວາມຮູ້ຄວາມສາມາດ ຈາກຂະບວນການວຽກງານຕົວຈິງ ໂດຍຕິດພັນກັບຂໍ້ແຂ່ງຂັນ 4 ບຸກໃຫ້ເຂັ້ມແຂງເທື່ອລະກ້າວ.