ຄະນະໂຄສະນາອົບຮົມແຂວງ ປາຖະກະຖາວັນສ້າງຕັ້ງແນວລາວສ້າງຊາດ ຄົບຮອບ 71 ປີ

ສ້າງຂື້ນເມື່ອ ວັນພະຫັດ, 09 ກັນຍາ 2021 07:03
ຂຽນໂດຍ ບຸນພອນ ແສງສຸລິນ

         

          ໃນຕອນເຊົ້າ ວັນທີ 13 ສິງຫາ 2021  ຄະນະໂຄສະນາອົບຮົມແຂວງ ໄດຈັດຕັ້ງພິທີປາຖະກະຖາວັນວັນສ້າງຕັ້ງແນວລາວສ້າງຊາດ (13 ສິງຫາ 1950-13 ສິງຫາ 2021) ຄົບຮອບ 71 ປີ ທີ່ຫ້ອງປະຊຸມຄະນະໂຄສະນາອົບຮົມແຂວງ. ໂດຍການເປັນປະທານ ຂອງທ່ານ ນາງ ແກ້ວໄຊ ມະນີວົງ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ. ມີຄະນະພັກ, ຄະນະໂຄສະນາອົບຮົມແຂວງ ແລະ ພະນັກງານຫຼັກແຫຼ່ງ ເຂົ້າຮ່ວມທັງໝົດ 18 ທ່ານ. ຍິງ 6 ທ່ານ.

         ໃນພິທີປາຖະກະຖາມູນເຊື້ອວັນສ້າງຕັ້ງແນວລາວສ້າງຊາດໃນຄັ້ງນີ້້ ທ່ານ ນາງ ແກ້ວໄຊ ມະນີວົງ ຮອງຫົວໜ້າຄະນະໂຄສະນາອົບຮົມແຂວງ ໄດ້ເລົ່າເຖິງການກໍາເນີດ ແລະ ເຕີບໃຫຍ່ຂະຫຍາຍຕົວຂອງອົງການແນວລາວສ້າງຊາດ, ຂະບວນການຕໍ່ສູ້ຂອງປະຊາຊົນບັນດາເຜົ່າ ແລະແນວລາວອິດສະຫຼະ. ອົງການແນວລາວສ້າງຊາດແມ່ນໄດ້ຮັບການສ້າງຕັ້ງຂຶ້ນໃນວັນທີ 13 ສິງຫາ 1950 ນັບແຕ່ມືສ້າງຕັ້ງຂຶ້ນແມ່ນໄດ້ນໍາພາປະຊາຊົນລາວບັນດາເຮັດໜ້າທີ່ປົດປ່ອຍຊາດ, ເຕົ້າໂຮມກໍາລັງທີ່ຮັກຊາດ, ເຕົ້້າໂຮມຄວາມສາມັກຄີ ແລະ ບຸກລະດົມຂະບວນການຂອງມະຫາຊົນ ເພື່ອປະຕິບັດນະໂຍບາຍ 3 ບາດຄ້ອນຍຸດທະສາດ ໃນການລຸກຮື້ຂຶ້ນອໍານາດໃນທົ່ວປະເທດ ໃນວັນທີ  2 ທັນວາ 1975. ໃນປັດຈຸບັນອົງການແນວລາວສ້າງຊາດແມ່ນເຮັດໜ້າທີ່ເຕົ້້າໂຮມຄວາມສາມັກຄີບັນດາເຜົ່າ, ທຸກຊັ້ນຄົນ, ສາສະໜາ, ເພດໄວ  ແລະ ຍຶດໝັ້ນພັນທະພາບກໍາມະກອນ-ຊາວກະສິກອນ, ນັກຮຽນຮູ້-ບັນຍາຊົນ ພາຍໃຕ້ຮົ່ມທຸ່ງປະຕິວັດຂອງພັກປະຊາຊົນປະຕິວັດລາວ ພ້ອມທັງປະຕິບັດ 2 ໜ້າຍຸດທະສາດຄື: ປົກປັກຮັກສາ ແລະ ພັດທະນາປະເທດຊາດ.

         ໂອກາດດັ່ງກ່າວ ທ່ານ ນາງ ແກ້ວໄຊ ມະນີວົງ ຮອງຫົວໜ້າຄະນະໂຄສະນາອົບຮົມ ໄດ້ຮຽກຮ້ອງມາຍັງພະນັກງານພາຍໃນ ຄະນະໂຄສະນາອົບຮົມແຂວງ ສືບຕໍ່ຮັກສາມູນເຊື້ອຄວາມສາມັກຄີພາຍໃນການຈັດຕັ້ງແໜ້ນແຟ້ນພາຍໃຕ້ຄໍາຂວັນ” ຮັກຊາດພັດທະນາ” ຕິດພັນກັບການຈັດຕັ້ງປະຕິບັດພາລະບົດບາດ, ສິດໜ້າທີ່, ວິຊາສະເພາະເພື່ອຂອງຕົນ, ເອົາໃຈໃສ່ການຄົ້ນຄວ້າຮໍ່າຮຽນແນວທາງນະໂຍບາຍຂອງພັກ-ລັດ ຕັ້ງໜ້າຝຶກຝົນດ້ານທາດການເມືອງ ແລະ ຄຸນສົມບັດສິນທໍາປະຕິວັດ.