ຄະນະໂຄສະນາອົບຮົມແຂວງປາຖະກະຖາວັນຍຶດອໍານາດ ຄົບຮອບ 76 ປີ, 46 ປີ ແລະ ວັນລັດຖະທໍາມະນູນແຫ່ງ ສປປ ລາວ ຄົບຮອບ 30 ປີ

ສ້າງຂື້ນເມື່ອ ວັນພະຫັດ, 09 ກັນຍາ 2021 07:29
ຂຽນໂດຍ ບຸນພອນ ແສງສຸລິນ

 

 

         

          ໃນຕອນເຊົ້າ ວັນທີ 18 ສິງຫາ 2021  ຄະນະໂຄສະນາອົບຮົມແຂວງ ໄດ້ຈັດຕັ້ງພິທີປາຖະກະຖາວັນຍຶດອໍານາດ (23 ສິງຫາ 1945 ແລະ 23 ສິງຫາ 2021-23 ສິງຫາ 2021) ຄົບຮອບ 76 ປີ ແລະ 46 ປີ; ວັນລັດຖະທໍາມະນູນແຫ່ງ ສປປ ລາວ (15 ສິງຫາ 1991-15 ສິງຫາ 2021) ຄົບຮອບ 30 ປີ ທີ່ຫ້ອງປະຊຸມຄະນະໂຄສະນາອົບຮົມແຂວງ. ໂດຍການເປັນປະທານ ຂອງທ່ານ ມໍ ຊົງ ກໍາມະການປະຈໍາພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ. ມີຄະນະພັກ, ຄະນະໂຄສະນາອົບຮົມແຂວງ ແລະ ພະນັກງານຫຼັກແຫຼ່ງ ເຂົ້າຮ່ວມທັງໝົດ 19 ທ່ານ, ຍິງ 6 ທ່ານ.

         ພິທີປາຖະກະຖາມູນເຊື້ອວັນຍຶດອໍານາດ ແລະ ວັນລັດຖະທໍາມູນແຫ່ງ ສປປ ລາວ ດັ່ງກ່າວ ເປັນການໂຄສະນາສຶກສາອົບຮົມການເມືອງ-ແນວຄິດ ໃຫ້ພະນັກງານຫຼັກແຫຼ່ງພາຍໃນ ໄດ້ລະລຶກເຖິງມູນເຊື້ອວັນຍືດອໍານາດ 23 ສິງຫາ ປີ 1945-1975 ເປັນປະຫວັດສາດແຫ່ງການຍາດເອົາເອກະລາດ ປະຊາທິປະໄຕ ມາສູ່ປວງຊົນລາວທັງຊາດ ພາຍໃຕ້ການນຳພາຂອງພັກທີ່ສະຫຼາດສ່ອງໃສຂອງພັກ, ການໃຊ້ສາມບາດຂ້ອນຍຸດທະສາດ, ຄວາມຮັກຊາດ ແລະ ຄວາມເສຍສະຫຼະເລືອດເນື້ອເພື່ອຊາດຂອງບັນດາທ່ານຜູ້ນໍາປະຕິວັດ, ກອງທັບປະຊາຊົນລາວ, ນັກຮົບ ແລະ ປະຊາຊົນບັນດາ ສາມາດຍາດໄດ້ໄຊຊະນະ ແລະ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນໃນວັນທີ 2 ທັນວາ ປີ 1975 ເປັນຕົ້ນມາ ນອກນັ້ນຍັງຍົກໃຫ້ເຫັນຄວາມສໍາຄັນຂອງລັດຖະທໍາມະນູນແຫ່ງ ສປປ ລາວ ເຊິ່ງເປັນພື້ນຖານຂອງຊາດ, ທັງເປັນແນວທາງປ່ຽນແປງໃໝ່ຮອບດ້ານ ທີ່ມີຫຼັກການຂອງພັກປະຊາຊົນປະຕິວັດລາວ ມາເປັນກົດໝາຍພື້ນຖານ ຂອງລະບອບ ປະຊາຊທິປະໄຕ ປະຊາຊົນລາວ, ເປັນຂີດ   ໝາຍໃໝ່ແຫ່ງການຄຸ້ມຄອງສັງຄົມດ້ວຍກົດໝາຍ ແລະ ສ້າງລັດແຫ່ງກົດໝາຍເທື່ອລະກ້າວ, ສ່ອງແສງໃຫ້ເຫັນເຖິງລັກສະນະທາດແທ້ ແລະ ການເຕີບໃຫຍ່ຂະຫຍາຍຕົວຂອງລະບອບ ປະຊາທິປະໄຕ ປະຊາຊົນລາວພາຍໃຕ້ການນໍາທີ່ຖືກຕ້ອງສະຫຼາດສ່ອງໃສ ຂອງພັກປະຊາຊົນປະຕະວັດລາວ.

ໂອກາດດັ່ງກ່າວ ທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ໄດ້ຮຽກຮ້ອງມາຍັງພະນັກງານຫຼັກແຫຼ່ງພາຍໃນ ຄະນະໂຄສະນາອົບຮົມແຂວງ ໃຫ້ສືບຕໍ່ເສີມຂະຫຍາຍມູນເຊື້ອ 23 ສິງຫາ ເຂົ້າໃນການຈັດຕັ້ງປະຕິບັດໜ້າທີ່ທີ່ໄດ້ຮັບມອບໝາຍຈາກຂັ້ນເທິງ, ເປັນເຈົ້າການໃນໂຄສະນາສຶກສາອົບຮົມການເມືອງ-ແນວຄິດ, ຜັນຂະຫຍາຍມິຕິກອງປະຊຸມໃຫຍ່ຂອງແຂວງ ແລະ ຂອງສູນກາງ ພ້ອມທັງຝຶກຫຼໍ່ຫຼອມຄຸນສົມບັດສິນທໍາປະຕິວັດ, ຄົ້ນຄວ້າຮໍ່າຮຽນແນວທາງນະໂຍບາຍຂອງພັກ ເພື່ອສ້າງໃຫ້ກ່າຍເປັນພະນັກງານແນວຄິດຂອງພັກໃນໄລຍະໃໝ່.