ຄະນະໂຄສະນາອົບຮົມແຂວງ ລົງເຄື່ອນໄຫວວຽກງານວິຊາສະເພາະ ຢູ່ຄະນະໂຄສະນາອົບຮົມເມືອງປາກແບງ

         ໃນວັນທີ 25 ຕຸລາ 2021 ຜ່ານມາ ຄະນະໂຄສະນາອົບຮົມແຂວງອຸດົມໄຊ ໄດ້ລົງເຄື່ອນໄຫວ ຊຸກຍູ້ວຽກງານວິຊາສະເພາະ ຢູ່ຄະນະໂຄສະນາອົບຮົມເມືອງປາກແບງ ທີ່ຫ້ອງປະຊຸມຫ້ອງວ່າການເມືອງ ຢ່າງເປັນທາງການ.ໂດຍການເປັນປະທານຂອງ ສະຫາຍ ນາງ ອໍາພອນ ແສງດາລາ ກໍາມະການພັກເມືອງ ຫົວຫນ້າຄະນະໂຄສະນາອົບຮົມເມືອງ, ເປັນກຽດເຂົ້າຮ່ວມຂອງສະຫາຍ ສາຍດໍາ ໃຈຫຼ້າ ຮອງຫົວຫນ້າຄະນະໂຄສະນາອົບຮົມແຂວງ ພ້ອມດ້ວຍທີມງານ, ມີບັນດາຄະນະໂຄສະນາອົບຮົມເມືອງ ແລະ ພະນັກງານຫຼັກແຫຼ່ງພາຍໃນຄະນະໂຄສະນາອົບຮົມເມືອງເຂົ້າຮ່ວມທັງໝົດ 5 ສະຫາຍ, ຍິງ 2 ສະຫາຍ.

            ໃນກອງປະຊຸມດັ່ງກ່າວ ສະຫາຍ ນາງ ອໍາພອນ ແສງດາລາ ກໍາມະການພັກເມືອງ ຫົວຫນ້າຄະນະໂຄສະນາອົບຮົມເມືອງ ກໍ່ໄດ້ລາຍງານສະພາບການເຄື່ອນໄຫວໃນການຈັດຕັ້ງປະຕິບັດວຽກງານໂຄສະນາອົບຮົມຂອງເມືອງ ປະຈໍາປີ 2021. ຜ່ານການຈັດຕັ້ງປະຕິບັດວຽກງານວິຊາສະເພາະໃນໄລຍະຜ່ານມາເຊິ່ງສາມາດຕີລາຄາດ້ານດີຜົນງານໄດ້ດັ່ງນີ້: ວຽກງານໂຄສະນາ ແມ່ນການຈັດຕັ້ງປາຖະກະຖາມູນເຊື້ອວັນສຳຄັນຂອງຊາດ-ຂອງພັກ, ເຄື່ອນໄຫວໂຄສະນາແນວທາງຂອງພັກ, ນິຕິກໍາຕ່າງໆຂອງລັດ ລົງສູ່ຮາກຖານບ້ານ; ວຽກງານອົບຮົມ ແມ່ນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ມະຕິກອງປະຊຸມໃຫຍ່ ຄັ້ງທີ XIII ຂອງອົງຄະນະພັກເມືອງ, ອົບຮົມມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ; ເຄື່ອນໄຫວຕິດຕາມເກັບສະພາບແນວຄິດ-ຫາງສຽງສັງຄົມ ເພື່ອສະຫຼຸບລາຍງານໃຫ້ຂັ້ນເທິງໃຫ້ທັນການ. ໃນກອງປະຊຸມຍັງໄດ້ມີຄໍາຄິດຄໍາເຫັນແລກປ່ຽນ ແລະຖອດຖອນບົດຮຽນ ແລະລົງເລິກແຕ່ລະໜ້າວຽກ ຕາມການເຈາະຈີ້ມ ບາງບັນຫາທີ່ຍັງຄົງຄ້າງ ,ຂໍ້ສະດວກ,ຂໍ້ຫຍຸ້ງຍາກ,ໃນການຈັດຕັ້ງປະຕິບັດວຽກງານ ໃນໄລຍະຜ່ານມາ   ນອກຈາກນັ້ນທິມງານແຂວງ ຍັງໄດ້ແນະນໍາແລະໃຫ້ຄວາມຮູ້ເພີ່ມເຕີມ ກ່ຽວກັບການນໍາໃຊ້ລະບົບ ITC ໃນການຈັດສົ່ງເອກະສານທາງການ(ທີ່ທາງເຕັກໂນໂລຊີ ແລະ ສື່ສານ ອະນຸຍາດໃຫ້)  ເພື່ອຄວາມສະດວກ ແລະເປັນເອກະພາບໃນການຈັດຕັ້ງປະຕິບັດວຽກງານໂຄສະນາຂອງແຂວງ-ຂອງເມືອງ ໃນຕໍ່ຫນ້າ ໃຫ້ໄດ້ຮັບໝາກຜົນດີຂື້ນກ່ວາເກົ່າ.

          ໂອກາດດັ່ງກ່າວສະຫາຍ ສາຍດໍາ ໃຈຫຼ້າ ຮອງຫົວຫນ້າຄະນະໂຄສະນາອົບຮົມແຂວງ ໄດ້ມີຄໍາເຫັນຕໍ່ຄະນະໂຄສະນາອົບຮົມເມືອງ ເຊິ່ງກ່ອນອື່ນແມ່ນທ່ານໄດ້ຍ້ອງຍໍຊົມເຊີຍບັນດາຜົນງານທີ່ເມືອງຍາດມາໄດ້ໃນໄລຍະຜ່ານມາ ແລະຮຽກຮ້ອງມາຍັງ ສະມາຊິກພັກ-ພະນັກງານ ຄະນະໂຄສະນາອົບຮົມເມືອງ ໃຫ້ສືບຕໍ່ຜັນຂະຫຍາຍ ມະຕິ, ຄໍາສັ່ງ, ແນວທາງແຜນນະໂຍບາຍຂອງພັກ, ລະບຽບກົດຫມາຍຂອງລັດ ແລະວຽກງານວິຊາສະເພາະກໍຄືທິດທາງແຜນການປະຈໍາປີ 2022 ໃຫ້ເລິກເຊິ່ງ ເປັນຕົ້ນແມ່ນການເປັນເສນາທິການໃຫ້ຄະນະປະຈໍາພັກເມືອງ, ເອົາໃຈໃສ່ ສຶກສາອົບຮົມວຽກງານການເມືອງ-ແນວຄິດໃຫ້ພະນັກງານ-ສະມາຊິກພັກ, ຊັ້ນຄົນໃນສັງຄົມ ຕະຫຼອດຮອດພໍ່ແມ່ປະຊາຊົນ ພາຍໃນເມືອງປາກແບງຢ່າງທົ່ວເຖິງ.

ສະຖິຕິຜູ້ເຂົ້າຊົມ:

139014
ມື້ນີ້ມື້ນີ້77
ມື້ວານນີ້ມື້ວານນີ້236
ອາທິດນີ້ອາທິດນີ້404
ເດືອນນີ້ເດືອນນີ້4424
ທັງໝົດທັງໝົດ139014

ວີດີໂອ....

ມູນເຊື້ອຂອງຊາດ-ຂອງພັກ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

         ຫນ່ວຍກູ້ໄພ: 1624

ຈຳນວນຄົນອອນໄລ໌ທ

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ບົດຄວາມທີ່ໄດ້ຮັບຄວາມສົນໃຈ

ບົດຄວາມເດັ່ນ ແລະ ສາລະໜ້າຮູ້

ອົງການຈັດຕັ້ງມະຫາຊົນ