ຄະນະບໍລິຫານງານສະຫະພັນແມ່ຍິງແຂວງ ເປັນກຽດເລົ່າມູນເຊື້ອ ຄົບຮອບ 67 ປີ.

ລາຍລະອຽດ

ສ້າງຂື້ນເມື່ອ ວັນອັງຄານ, 26 ກໍລະກົດ 2022 08:28

ຂຽນໂດຍ ບຸນພອນ ແສງສຸລິນ

    ໃນຕອນເຊົ້າ ຂອງວັນທີ 12 ກໍລະກົດ 2022 ຄະນະບໍລິຫານງານສະຫະພັນແມ່ຍິງແຂວງ ເປັນກຽດເລົ່າມູນເຊື້ອ ແລະ ຈັດພິທີປາຖະກະຖາ ວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ ໂດຍທ່ານ ນາງ ແກ້ວໄຊ ມະນີວົງ ຄະນະບໍລິຫານງານສະຫະພັນແມ່ຍິງແຂວງ, ຮອງຫົວຫນ້າຄະນະໂຄສະນາອົບຮົມແຂວງ, ມີສະຫະພັນແມ່ຍິງ ຄະນະຈັດຕັ້ງ, ຄະນະກວດກາ, ຄະນະໂຄສະນາອົບຮົມ ແລະ ພະແນກພາຍໃນແຂວງ ເຂົ້າຮ່ວມຢ່າງພ້ອມພຽງ.

         ເພື່ອລະນຶກເຖິງມູນເຊື້ອການກໍາເນີດ ແລະ ການເຕີບໃຫຍ່ຂະຫຍາຍຕົວ ຂອງອົງການຈັດຕັ້ງສະຫະພັນແມ່ຍິງລາວ, ຜົນງານການເຄື່ອນໄຫວທີ່ພົ້ນເດັັ່ນ ຂອງສະຫະພັນແມ່ຍິງລາວ ໃນການປະກອບສ່ວນຂອງແມ່ຍິງລາວບັນດາເຜົ່າ ໃນພາລະກິດຕໍໍ່ສູ້ປົດປ່ອຍຊາດໄລຍະປີ 1958-1975;ເປັນການເສີມຂະຫຍາຍມູນເຊື້ອອັນດີງາມ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍໍ່ຄືພາລະກິດພັດທະນາແມ່ຍິງລາວ. ພາຍຫຼັງພັກປະຊາຊົນລາວ ໄດ້ຮັບການສ້າງຕັ້ງຂຶ້ນ ເພື່ອຮັບຜິດຊອບໂດຍກົງຕໍໍ່ພາລະກິດປະຫວັດສາດ ຂອງການປະຕິວັດລາວ ພັກກໍໍ່ໄດ້ເອົາໃຈໃສ່ຢ່າງ ຈົດຈໍໍ່ຕໍໍ່ການປຸກລະດົມຂົນຂວາຍ, ກໍໍ່ສ້າງແມ່ຍິງໃຫ້ມີຄວາມຕື່ນຕົວປະກອບສ່ວນໃນພາລະກິດປະຕິວັດ ແລະ  ແມ່ຍິງເປັນພາກສ່ວນໜຶ່ງໃນກໍາລັງແຮງ ທີ່ສໍາຄັນຂອງພັກ. ພາຍໃຕ້ການນໍາພາຂອງພັກ ແລະ ໄດ້ຮັບຜົນສະທ້ອນຈາກຂະບວນການຕໍໍ່ສູ້ປະຕິວັດຂອງແມ່ຍິງໃນໂລກ ທີ່ເລັັ່ງທວງໃຫ້ປະຕິບັດສິດເສລີພາບ, ຄວາມສະເໝີພາບລະຫວ່າງຍິງ-ຊາຍ ທາງດ້ານການເມືອງ-ເສດຖະກິດ, ວັດທະນະທໍາ-ສັງຄົມ ເທື່ອລະກ້າວ ແລະ ເຕີບໃຫຍ່ຂະຫຍາຍຕົວນັບມື້ນັບກວ້າງຂວາງ.  

• < ຕໍ່ໄປ
• ຕໍ່ໄປ >