ຄະນະໂຄສະນາອົບຮົມແຂວງ ເຊື່ອມຊຶມເອກະສານ ມະຕິກອງປະຊຸມຄົບຄະນະສະໄໝວິສາມັນ ຂອງຄະນະບໍລິຫານງານສູນກາງພັກ ສະໄໝ XI ແລະ ມະຕິກອງປະຊຸມຄົບຄະນະສະໄໝສາມັນ ຂອງຄະນະບໍລິຫານງານພັກແຂວງ ຄັ້ງທີ 4 ສະໄໝ IX

        ໃນຕອນເຊົ້າຂອງວັນທີ 9 ກັນຍາ 2021 ຄະນະໂຄສະນາອົບຮົມແຂວງ ໄດ້ຈັດພິທີເຊື່ອມຊຶມເອກະສານ ມະຕິກອງປະຊຸມຄົບຄະນະສະໄໝວິສາມັນ ຂອງຄະນະບໍລິຫານງານສູນກາງພັກ ສະໄໝ XI  ແລະ ມະຕິກອງປະຊຸມຄົບຄະນະສະໄໝສາມັນ ຂອງຄະນະບໍລິຫານງານພັກແຂວງ ຄັ້ງທີ 4 ສະໄໝ IX ທີ່ຫ້ອງປະຊຸມ ຄະນະໂຄສະນາອົບຮົມແຂວງ. ພາຍໃຕ້ການເປັນປະທານຂອງ ສະຫາຍ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ເຊິ່ງມີຄະນະພັກ, ຫົວໜ້າຂະແໜງ, ຮອງຫົວໜ້າຂະແໜງ ແລະ ສະມາຊິກພັກ-ພະນັກງານ ພາຍໃນເຂົ້າຮ່ວມທັງໝົດ 17 ສະຫາຍ, ຍິງ 4 ສະຫາຍ.

         ການເຊື່ອມຊຶມເອກະສານ ມະຕິກອງປະຊຸມຄົບຄະນະສະໄໝວິສາມັນ ຂອງຄະນະບໍລິຫານງານສູນກາງພັກ ສະໄໝ XI  ແລະ ມະຕິກອງປະຊຸມຄົບຄະນະສະໄໝສາມັນ ຂອງຄະນະບໍລິຫານງານພັກແຂວງ ຄັ້ງທີ 4 ສະໄໝ IX ແມ່ນເພື່ອແນໃສ່ສຶກສາອົບຮົມໃຫ້ພະນັກງານ-ສະມາຊິກ ພາຍໃນຄະນະໂຄສະນາອົບຮົມ ຮັບຮູ້, ເຂົ້າໃຈຕໍ່ເນື່ອໃນມະຕິກອງປະຊຸມຂອງຄະນະບໍລິຫານງານສູນພັກ ແລະ ຄະນະບໍລິຫານງານພັກແຂວງ ໃຫ້ເລິກເຊິ່ງ ກ່ຽວກັບວາລະແຫ່ງຊາດ ວ່າດ້ວຍການແກ້ໄຂຄວາມທຸກຍາກ, ການແກ້ໄຂບັນຫາຢາເສບຕິດ ແລະ ສ້າງການຫັນປ່ຽນຢ່າງແຂງແຮງ ແລະ ເລິກເຊິ່ງທຸກຂອດໃນວຽກພະນັກງານ. ຍົກໃຫ້ເຫັນການນຳພາ-ຊີ້ນໍາຮອບດ້ານຂອງຄະນະບໍລິຫານງານພັກແຂວງໃນໄລຍະ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2021 ພ້ອມກັນນັ້ນຕ້ອງຍົກສູງມີທັດສະນະແນວຄິດປ່ຽນແປງໃໝ່ ຢ່າງໜັກແໜ້ນ, ຍົກສູງຫຼັກໝັ້ນການເມືອງ, ມີນໍ້າໃຈເສຍສະຫຼະ ແລະ ຍຶດໝັ້ນອຸດົມການປະຕິວັດຂອງພັກ, ຄຸນທາດການເມືອງຄຸນສົມບັດສິນທໍາປະຕິວັດ; ສ້າງຄວາມເປັນເອກະພາບພາຍໃນໜ່ວຍພັກ ແລະ ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ.

          ໂອກາດດັ່ງກ່າວ ສະຫາຍ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ  ໄດ້ຮຽກຮ້ອງມາຍັງສະມາຊິກພັກ-ພະນັກງານ ຍັງໄດ້ຮຽກຮ້ອງມາຍັງພະນັກຫຼັກແຫຼ່ງ ແລະ ສະມາຊິກພັກທຸກຫາຍ ໃຫ້ສືບຕໍ່ຜັນຂະຫຍາຍເນື້ອໃນຈິດໃຈຂອງມະຕິດັ່ງກ່າວ ເຂົ້າໃນການຈັດຕັ້ງປະຕິບັດວຽກງານ, ໜ້າທີ່ຜິດຊອບໃຫ້ແທດເຖິງຕົວຈິງ ຕາມແຜນການຂອງຄະນະພັກ, ຄະນະໂຄສະນາອົບຮົມໄດ້ກໍານົດໄວ້  ແລະ ສືບຕໍ່ຍົກສູງຄວາມສາມັກຄີພາຍໃນໜ່ວຍພັກ.

 

ມູນເຊື້ອຂອງຊາດ-ຂອງພັກ