ໜ່ວຍຊາວໜຸ່ມຮາກຖານຄະນະໂຄສະນາອົບຮົມແຂວງ ອຸດົມໄຊ ພົບປະ ແລະ ເປີດພິທີແຮກສ່ຽວກັບ ໜ່ວຍຊາວໜຸ່ມຮາກຖານສະພາປະຊາຊົນແຂວງ.

                                

           ໃນວັນທີ 24 ສິງຫາ 2018 ຜ່ານມາ. ໜ່ວຍຊາວໜຸ່ມຮາກຖານຄະນະໂຄສະນາອົບຮົມແຂວງອຸດົມໄຊ ໄດ້ພົບປະແລະ ເປີດພິທີແຮກສ່ຽວກັບ ໜ່ວຍຊາວໜຸ່ມຮາກຖານສະພາປະຊາຊົນແຂວງ ຂຶ້ນທີ່ ຫ້ອງປະຊຸມຄະນະໂຄສະອົບຮົມແຂວງ. ໂດຍຖື ເປັນກຽດເຂົ້າຮ່ວມຂອງ ທ່ານ ບຸນທັນ ສຸລິຍະວົງ ກໍາມະການພັກແຂວງ ຄະນະບໍລິຫານງານຊາວໜຸ່ມແຂວງ, ເຂົ້າຮ່ວມມີ: ຄະ ນະບໍລິຫານງານຊາວໜຸ່ມແຂວງ, ຄະນະພັກສອງອົງການ, ຄະນະໜ່ວຍຊາວໜຸ່ມ ແລະ ສະມາຊິກຊາວໜຸ່ມທັງສອງໜ່ວຍ ເຂົ້າຮ່ວມທັງໝົດ 32 ສະຫາຍ.

        ໃນພິທີດັ່ງກ່າວທັງສອງໜ່ວຍ ໄດ້ຕົກລົງເຫັນດີເປັນເອກະພາບສ້າງບົດບັນທຶກຮ່ວມກັນ ເພື່ອເປັນບ່ອນອີງໃນການ ເຄື່ອນໄຫວພົບປະແລກປ່ຽນບົດຮຽນຊ່ວຍເຫຼືອເຊິ່ງກັນ ແລະ ກັນລະຫວ່າງຊາວໜຸ່ມສອງໜ່ວຍໂດຍສະເພາະແມ່ນການຈັດ ຕັ້ງເຊື່ອມຊຶມນິຕິກໍາຕ່າງໆ, ເຂົ້າ ຮ່ວມກອງປະຊຸມຂອງໜ່ວຍຊາວໜຸ່ມເຊິ່ງກັນ ແລະ ກັນ, ເຄື່ອນໄຫວຢ້ຽມ ຢາມຊ່ວຍເຫຼືອ ສະມາຊິກຊາວໜຸ່ມ ໃນເວລາເຈັບເປັນ ແລະ ພົບຄວາມຫຍຸ້ງຍາກ, ສ້າງຂະບວນກິລາ, ການອອກແຮງງານເພື່ອຂໍ່ານັບຮັບ ຕ້ອນວັນສໍາຄັນຕ່າງໆຂອງຊາດ-ຂອງພັກ, ຂອງແຂວງ ແລະ ກອງຕະລຸມບອນກຽມພ້ອມຮັບໃຊ້ສັງຄົມ. ພ້ອມກັນນັ້ນກໍຈະ ໄດ້ຈັດກອງປະຊຸມພົບປະແລກປ່ຽນບົດຮຽນວຽກງານຕ່າງໆໃນແຕ່ລະປີ ຕິດພັນກັບການ ຈັດຕັ້ງປະຕິບັດຂໍ້ແຂ່ງ 4 ບຸກທີ່ຄະ ນະບໍລິຫານງານສູນກາງຊາວໜຸ່ມ ສ ປ ປ ລາວວາງອອກໃຫ້ປະກົດຜົນເປັນຈິງເທື່ອລະກ້າວ.

         ໃນຕອນທ້າຍຂອງພິທີ ທ່ານ ບຸນທັນ ສຸລິຍະວົງ ໄດ້ໃຫ້ກຽດມີຄໍາເຫັນໂອ້ລົມຕໍ່ພິທີ ເຊິ່ງທ່ານໄດ້ເນັ້ນໜັກໃຫ້ສະມາ ຊິກຊາວໜຸ່ມທຸກສະຫາຍ ໃນນາມທີ່ຊາວໜຸ່ມເປັນກໍາລັງແຮງ ເປັນແຂນຂວາຂອງພັກ ຈົ່ງພ້ອມກັນຕັ້ງໜ້າຝຶກຝົນຫຼໍ່ຫຼອມ ຕົນເອງທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ ເປັນຕົ້ນແມ່ນການຈັດຕັ້ງປະຕິບັດຂໍ້ແຂ່ງ 4 ບຸກໃຫ້ປະ ສົບ ຜົນສໍາເລັດໃນແຕ່ລະດ້ານ ແລະ ໄດ້ຮັບປະສິດທິຜົນສູງ.

ມູນເຊື້ອຂອງຊາດ-ຂອງພັກ