ໜ່ວຍຊາວໜຸ່ມຮາກຖານ ໂຄສະນາອົບຮົມແຂວງ ເຊື່ອມຊຶມມະຕິກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ VIII ແລະ ກົດລະບຽບຂອງຊາວໜຸ່ມ ປະຊາຊົນປະຕິວັດລາວ ສະໄໝທີ VIII

         ໃນວັນທີ 20 ສິງຫາ 2021 ນີ້ໜ່ວຍຊາວໜຸ່ມຮາກຖານ ຄະນະໂຄສະນາອົບຮົມແຂວງ ຈັດຕັ້ງພິທີເຊື່ອມຊຶມເອກະສານມະຕິກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ VIII ແລະ ກົດລະບຽບຂອງຊາວໜຸ່ມ ປະຊາຊົນປະຕິວັດລາວ ສະໄໝທີ VIII ຢ່າງເປັນທາງການ ທີ່ຫ້ອງປະຊຸມຄະນະໂຄສະນາອົບຮົມແຂວງ. ພາຍໃຕ້ການເປັນປະທານຂອງ ສະຫາຍ ນາງ ສີປານຄໍາ ອິນໃຈ ເລຂາໜ່ວຍຊາວໜຸ່ມຮາກຖານ ຄະນະໂຄສະນາອົບຮົມແຂວງ, ມີສະມາຊິກຊາວໜຸ່ມພາຍໃນຮາກຖານເຂົ້າຮ່ວມທັງໝົດ 10 ສະຫາຍ, ຍິງ 3 ສະຫາຍ.

           ເອກະສານທີ່ນໍາມາເຜີຍແຜ່ເຊື່ອມຊຶມໃນຄັ້ງນີ້ປະກອບ 5 ບົດຄື: 1. ມະຕິກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ VIII; 2. ກົດລະບຽບຂອງຊາວໜຸ່ມ ປະຊາຊົນປະຕິວັດລາວ ສະ  ໄໝທີ VIII; 3. ກົດໝາຍວ່າດ້ວຍຊາວໜຸ່ມ; 4. ບົດແນະນໍາ ວ່າດ້ວຍການຈັດຕັ້ງປະຕະບັດຂະບວນການຂໍ້ແຂ່ງຂັນ 4 ບຸກຂອງຊາວໜຸ່ມ ແລະ 5. ແຜນຍຸດທະສາດພັດທະນາຊາວໜຸ່ມ-ເຍົາວະຊົນ 10 ປີ(2021-2030) ເອກະສານແຕ່ລະບົດລ້ວນແລ້ວແຕ່ມີຄວາມໝາຍ, ຄວາມສໍາຄັນ ແລະ ເພື່ອສ້າງຄວາມຮັບຮູ້-ເຂົ້າໃຈ ແລະ ຄວາມເປັນເອກະພາບຕໍ່ເນື້ອໃນເອກະສານກໍຄືກົດໝາຍ, ກົດລະບຽບ, ທິດທາງແຜນການຂອງຊາວໜຸ່ມໃນໄລຍະໃໝ່. ນອກນັ້ນຍັງສ້າງຄວາມຮັບຮູ້ ແລະ ເອກອ້າງທະນົງໃຈຕໍ່ຄວາມສໍາຄັນ ຂອງຊາວໜຸ່ມປະຊາຊົນປະຕິວັດລາວ, ເຮັດໃຫ້ການຈັດຕັ້ງຊາວໜຸ່ມແຕ່ລະຂັ້ນມີຄວາມເຂັ້ມແຂງທາງດ້ານການຈັດຕັ້ງ, ໜັກແໜ້ນທາງດ້ານຄຸນສົມບັດສິນທໍາປະຕິວັດ ແລະ ເປັນສິນໄຊແຫ່ງຍຸກສະໄໝ.

         ເພື່ອເຮັດພິທີເຊື່ອມຊຶມເອກະສານສໍາໃນຄັ້ງນີ້ມີຄວາມໝາຍ, ຄວາມສໍາຄັນ ສະຫາຍ ນາງ ສີປານຄໍາ ອິນໃຈ ເລຂາຄະນະໜ່ວຍຊາວໜຸ່ມ ຄະນະໂຄສະນາອົບຮົມແຂວງ. ຍັງໄດ້ຮຽກຮ້ອງມາຍັງສະມາຊິກພາຍໃນໜ່ວຍ  ຈົ່ງສືບຕໍ່ຮໍ່າຮຽນເອົາມູນເຊື້ອອັນງາມຂອງຊາວໜຸ່ມປະຊາຊົນປະຕິວັດລາວ ເປັນຕົ້ນແມ່ນຄຸນສົມບັດ, ສິນທໍາປະຕິວັດ ເຂົ້າໃນການຈັດຕັ້ງປະຕິບັດວຽກງານວິຊາສະເພາະຂອງຕົນ ໃຫ້ເລິກເຊິ່ງ ໂດຍສະເພາະແມ່ນຕິດພັນກັບຂໍ້ແຂ່ງຂັນ  4 ບຸກໃຫ້ເປັນຂະບວນການຟົດຟື້ນ ພິທີດັ່ງກ່າວແມ່ນໃຊ້ເວລາໜຶ່ງຕອນຈຶ່ງສໍາເລັດລົງ.

ມູນເຊື້ອຂອງຊາດ-ຂອງພັກ